Mánáidsuodjalusbálvalus (veahkkedoaimmat)

Go mánás lea ruovttu dilálašvuođa dihtii dahje eará sivaid geažil erenoamáš dárbu dasa, de galgá mánáidsuodjalus bidjat johtui veahkkedoaimmaid mánnái ja bearrašii. Veahkkedoaibma mearriduvvon dan vuođul mii mánnái lea buoremus.

Veahkkedoaimmat sáhttet leat ovdamearkka dihte bagadallan, doarjjaolmmoš, guossástallanruoktu ja ekonomalaš veahkki. Mánáidsuodjalus sáhttá maid veahkkin gávdnat saji biebmoruktui dahje eará institušuvdnii. Mánát galget orru ruovttus jus beare lea vejolaš. Dás deattuhuvvo ahte galget gávdnat sivaid váttisvuođaide ja daid birra ráđđádallat váhnemiiguin ja mánáin.

Mánát vuollel 18 jagi. Go fal mánná ieš miehtá dasa, de sáhttet veahkkedoaimmat jotkojuvvot dassážii go mánná lea 25 jahkásaš.

Galgá duođaštuvvot ahte lea dárbu veahkkedoaimmaide

Hjelpetiltak i hjemmet

Barnevernsloven
Forvaltningsloven

Váhnemat, olbmát, ránnját, mánáidgárdi/skuvla, dearvvašvuođaguovddáš jna. geat oidnet ahte mánná dárbbaša veahkkedoaimmaid, sáhttet dieđihit mánáidsuodjalussii.

Mánáidsuodjalus galgá viežžat daid dieđuid maid dárbbaša vai sáhttá mearridit ášši ja sáhttá maid bálkáhit áššedovdi čielggadit ášši dárkileappot. Dát raporta galgá sáddejuvvot árvvoštallamii Mánáidáššedovdi kommišuvdnii. Kommišuvnna árvvoštallan galgá boahtit mánáidsuodjalussii ovdal go ášši mearriduvvo loahpalaččat.

Suohkan galgá meannudit áššu nu jođánit go vejolaš. Jus eai sáhte meannudit ášši mánu sisa, de galggat oažžut čálalaš dieđu das manin meannudeapmi lea maŋŋánan. Galggat seammás maid oažžut dieđu goas sáhtát vuordit ahte du ášši mearriduvvo.

Jus it leat duhtavaš mearrádusain de sáhtát suohkanii váidit golmma vahku sisa dan rájes go ožžot mearrádusa.  Čilge mainna it leat duhtavaš ja manin oaivvildat ahte mearrádusa galgá rievdadit. Jus dárbbašat bagadallama, de sáhtát váldit oktavuođa suohkaniin. Jus suohkan doalaha mearrádusas, de sáddejuvvo ášši viidáseappot Fylkkamánni, gii de mearrida galgá go váidda váldot vuhtii.